Усман Нурмагомедов: "Бир йилдан кейин UFC`да бўламан — ўшанда гаплашамиз"

Мағлубият нималигини билмай келаётган россиялик 28 ёшли аралаш яккакураш устаси шу вазнда UFC чемпиони Илия Топурия билан жанг қилиш асосий мақсади эканини айтмоқда.

"Воқеалар ривожидан илгарилаб кетмоқчи эмасман. Биринчи навбатда Дубайда ўтказиладиган реванш жангида Пол Хьюз билан ҳисоб-китоб қилишим керак. Хьюзга қарши ўша жангим фаолиятимдаги энг яхшиси эмаслигини исботлашим керак. 3 октябрь куни биринчи жангдаги хатоларимни тўғрилайман. 

Топурияга келсак, ўйлайманки, мен унга етиб бораман. Балки, келаси йил охиригача бу жанг амалга ошар. Бунинг учун у ўз камарини қўлида ушлаб туриши керак. Унга маслаҳатим вақтида кетгани яхши", — деди Нурмагомедов Доғистонда Абдулманап Нурмагомедов хотирасига бағишлаб ўтказилган турнир олди матбуот анжуманида.