Усман Нурмагомедов UFC билан шартнома имзолайдими? Дана Уайт жавоб берди

UFC раҳбари Дана Уайт енгил вазнда амалдаги Bellator чемпиони Усман Нурмагомедовнинг бу ўзига хос "трансфери"га муносабат билдирди. Усман икки йилдан кейин дунёнинг энг кучли Лигасига ўтишни режалаштирмоқда. 

Ҳамма яхши жангчилар ҳар қандай шароитда ҳам UFC билан шартнома имзолашни исташяпти. Ҳа, Усман ҳам сафимизга қўшилади. Фрэнсис Нганнудан ташқари бошқа ҳеч ким PFL Лигасида жанг қилишни хоҳламаяпти", - деди Дана Уайт Абу-Дабидаги матбуот анжуманида.

Россиялик 26 ёшли аралаш яккакураш UFC промошени билан шартнома имзолашга шошилмаяпти. Усман жамоадоши, енгил вазнда UFC чемпиони Ислам Махачевнинг йўлини тўсмоқчи эмас. У тажрибасини ошириб олгач, тахминан икки йилдан кейин UFC билан шартнома имзолайди. 

Эслатиб ўтамиз, шу йилнинг сентябрь ойида Усман Нурмагомедов енгил вазндаги Bellator чемпионлик камарини муваффақиятли ҳимоя қилганди. У беш раунд тўлиқ давом этган жангда ҳамюрти Александр Шаблийни мағлуб этган эди. Унинг кейинги рақиби ирландиялик Пол Хьюз бўлиши керак. Пол даъвогарлар жангида америкалик Эй Жей МакКидан устун келди.