17 апр 16:36
Янгиликлар

Теннис

USTA 15 миллион доллар ажратди

АҚШ теннис ассоциацияси мамлакатдаги турли теннис клублари ҳамда мактабларига молиявий ёрдам кўрсатади.

Ассоциация биринчи галда коронавирус пандемияси сабаб ишсиз қолган мураббий ҳамда ходимларга молиявий кўмак кўрсатади. USTA томонидан ушбу хайрли ишларга 15 миллион доллар ажратилади.

Шунингдек, ушбу дастур доирасида йил сўнггига қадар USTA топ-менежерларининг маошлари камайтирилади. Олий бошқарув органидаги раҳбарларнинг маоши 20%, қолган бўлим бошлиқларининг маоши эса 15 ва 10 фоизга "кесилади".