22 апр 07:55
Янгиликлар

Бокс/ММА

“Uzbek Tigers”: 3та ғалаба ва 3та мағлубият билан гуруҳда иккинчи бўлдик

Хабар берганимиздек, кеча Россиянинг Пермь шаҳрида Бутунжаҳон Бокс серияси (WSB) доирасидаги учрашув бўлиб ўтди.

Унда Россиянинг “Patriot Boxing Team” жамоаси юртимизнинг “Uzbek Tigers” боксчиларини қабул қилди. Бу жамоаларнинг Тошкентда ўтган илк жангида чарм қўлқоп усталаримиз 5:0 ҳисобида зафар қучишганди.

Жавоб учрашувига мураббийларимиз иккинчи таркибни олиб боришди. Боиси чорак финал масаласи муддатидан аввал ҳал қилиб бўлинган эди. Шунга қарамай, захирадаги боксчиларимиз ҳам ижобий натижа қайд эта олишди.

Учрашувда мезбонлар 3:2 ҳисобида зафар қучишди. “Uzbek Tigers” жамоасидан Аброржон Қодиров ва оғир вазндаги Мирзобек Ҳасанов ўз жангларини ғалаба билан якунлашди.

Шу тариқа, “Ўзбек йўлбарслари” жамоаси “С” гуруҳида 3та ғалаба ва 3та мағлубият билан 2-ўринни эгаллади. 11 очкога эга боксчиларимиз чорак финалда бош мукофот учун курашни давом эттиришади.

“Patriot Boxing Team” - “Uzbek Tigers” - 3:2

52 кг: Аброржон Қодиров - Вячеслав Ташкараков 3:0

60 кг: Улуғбек Дўсмуродов - Константин Богомазов 0:3

69 кг: Одилжон Аслонов - Артём Зайцев 0:3

81 кг: Мадияр Саидраҳимов - Павел Силягин 1:2

+91 кг: Мирзобек Ҳасанов - Артём Сусленков 3:0

Ҳавола :

Манба : olamsport.com

Рейтинг: +1

14:55

Валерий Кечинов: "Жаҳон чемпионатида Ўзбекистонга қарши ўйнаш ҳеч кимга, ҳатто Португалияга ҳам осон бўлмайди" 0

13:52

“Янги Ўзбекистон талабалар Олимпиадаси”га старт берилди 0

13:10

Хоккей терма жамоамиз Жаҳон чемпионатида иштирок этиш учун Шенчженга йўл олди (ВИДЕО) 0

Фикрлар

Энг яхшилар Охирги Биринчи

22 апр 17:52:45

Bek

Чорак финал бахсларида регламентга кўра барча 10 вазн тоифасида жанглар бўлиб ўтади. Бу жанглар Осиё чемпионати арафасида бўлганлиги учун асосий таркиб боксчилари катта эхтимол билан жалб қилинмайди.

фикрга жавоб бериш

22 апр 17:40:40

Aslanbek

Против Кубинцев могут противостоять только следующая пятёрка: Исроил Мадримов, Бектемир Меликузиев, Хасанбой Дусматов, Шахрам Гиёсов и Шахобиддин Зоиров.

фикрга жавоб бериш

22 апр 17:20:41

Bek

Ха рақибимиз катта эхтимол билан Куба яна сафарда. Ўтган йилги сценария такрорланади шекилли 10-0.

фикрга жавоб бериш

22 апр 17:19:08

Bek

Ха Мадиёр бу ёшда 81 кг вазнни ушлаб қола олмаса керак. Уни бўйи қўлларининг узунлиги айнан 91 кг учун мос. Яқин йилларда 91 кг.да ажойиб боксчига эга бўлсак керак.

фикрга жавоб бериш

22 апр 16:46:46

Ангрен

Улугбек Дусмуродов купрок велосипедчи вазифасини бажарди рингда. Одилжон Аслановга тезлик хамда техника озгина етишмади. Мадиёрга гап булиши мумкин эмас, Бу ёшда номдор ракибга карши жудаям ажойиб жанг утказди. Тезлик хам жойида. Агарда химоя устида иш олиб борилиб, химоя жойига куйилса, яна бир юлдуз боксчига эга буламиз. 91-кг да айнан шундай боксчи етишмай турибти хозир

фикрга жавоб бериш

22 апр 16:25:11

Ангрен

Биз гурухда 3-уринда колдик. Админлар WSB регламентини чунасизларми ози? Бу сизларга футбол эмас, узаро натижаларга каралмайди бетта. Кейинги боскичдаги ракибимиз Куба. Ана энди хакикаттан хам кейинги боскичдаги ахволимиз анча огир. Хаммасига узимиз айбдормиз. Хуллас етиб келдик.

фикрга жавоб бериш

22 апр 13:27:29

Bek

Тўғри ҳисоб очилиши керак бўлган пайтда очмадию, очилиши шарт бўлмаган ҳолатда очди...

фикрга жавоб бериш

22 апр 12:09:25

Bek

Бунга аниқ тасдиқланган хабарми? Чунки WSBнинг расмий сайтида биз гуруҳда 3-ўринни эгаллаган ҳолда турибмиз.

фикрга жавоб бериш

< сўнгги янгиликларни кўриш