UzChess Cup. Барча гуруҳларда пешқадамга айландик. Тўртинчи тур жуфтликлари ва турнир жадваллари билан танишинг

Иккинчи бор ташкил этилаётган UzChess Cup турнири Masters, Challengers ва Futures гуруҳларида ўтказилмоқда. Кучлилар жам бўлган Masters гуруҳининг 4-турида 2,5 очко билан якка пешқадам бўлиб олган Нодирбек Абдусатторов 2 очко билан 2-ўринни эгаллаб турган ҳиндистонлик гроссмейстер Аржун Эргаисига қарши қора доналарда ўйнаяпти. 

Қўшимча кўрсаткичларга кўра 2 очко билан 3-ўриндан жой олган Жавоҳир Синдаров ҳиндистонлик Рамешбабу Праггнанандҳага қарши қора доналарда ҳаракат қилмоқда. Россиялик жаҳон чемпиони Ян Непомняший яна бир ҳинд гроссмейстери Аравиндҳ Читамбарам билан ҳисоб-китоб қиляпти. Шамсиддин Воҳидов венгриялик Ричард Раппорт билан ўйнамоқда. 

UzChess Cup. Masters гуруҳи. 4-тур жуфтликлари

Рамешбабу Праггнанандҳаа — Жавоҳир Синдаров

Ричард Раппорт — Шамсиддин Воҳидов

Аржун Эригаиси — Нодирбек Абдусатторов 

Аравиндҳ Читамбарам — Ян Непомняший  

Нодирбек Якуббоев — Парҳам Мақсуду

Турнирнинг Challengers гуруҳида 3-турдан сўнг грециялик Николас Теодороу, ҳамюртимиз Муҳиддин Мадаминов, америкалик Эндрю Ҳонг 2,5 тадан очко жамғариб, кучли учликдан жой олишган. Мадаминов қўшимча кўрсаткичларга кўра 2-ўринни эгаллаб турибди. Тўртинчи поғонадаги швециялик Виталий Сивук ҳисобида 1,5 очко бор.

Бироз аввал бошланган 4-турнинг марказий партиясида Муҳиддин Мадаминов қора доналарда Николас Теодороуга қарши баҳс олиб бормоқда. Омадсиз иштирок этаётган ва 3 та турда 0,5 очкогина жамғарган Гулруҳбегим Тоҳиржонова 4-турда қора доналарда Ма Кун билан ўйнаяпти. Жаҳонгир Воҳидов украиналик шахмат афсонаси Василий Иванчук синовидан ўтмоқда. 

UzChess Cup. Challengers гуруҳи. 4-тур жуфтликлари

Эндрю Ҳонг — Нижат Абасов

Василий Иванчук — Жаҳонгир Воҳидов

Ма Кун — Гулруҳбегим Тоҳиржонова 

Николас Теодороу — Муҳиддин Мадаминов 

Муҳаммадзоҳид Суяров — Виталий Сивук

Futures гуруҳида 2,5 очко эга ҳамюртимиз Ортиқ Ниғматов турнир жадвалида якка карвонбоши бўлиб турибди. Бугун у 4-турда венгриялик Роберт Ракка қарши оқ доналарда ўйнаяпти. Саидакбар Сайдалиев испаниялик Алан Пичот, Ҳумоюн Бегмуратов россиялик Клементи Сичёв билан муносабатларига ойдинлик киритиб олмоқда. 

UzChess Cup. Futures гуруҳи. 4-тур жуфтликлари

Саидакбар Сайдалиев — Алан Пичот

Борис Чаталбашев — Абдималик Абдисалимов  

Ортиқ Ниғматов — Роберт Рак

Евгений Алексеев — Сапармират Атабаев

Ҳумоюн Бегмуратов — Клемени Сичев