UzChess Cup. Учинчи тур жуфтликлари ва турнир жадваллари билан танишинг

Иккинчи бор ташкил этилаётган UzChess Cup турнири Masters, Challengers ва Futures гуруҳларида ўтказилмоқда. 

Кучлилар жам бўлган Masters гуруҳининг 3-турида қўшимча кўрсаткичларга кўра 1-ўринни эгаллаб турган ҳиндистонлик Аржун Эргаиси қора доналарда россиялик жаҳон чемпиони Ян Непомняшийга қарши баҳс олиб боради. Аржун сингари 1,5 очкога эга Жавоҳир Синдаров ўзбек дербисида Шамсиддин Воҳидовни синовдан ўтказади. Нодирбек Абдусатторов бу турда Ричард Раппорт билан ҳисоб-китоб қилади. Иккинчи турдан кейин барча шахматчилар очко йўқотиб улгуришди. 

UzChess Cup. Masters гуруҳи. 3-тур жуфтликлари

Нодирбек Якуббоев — Рамешбабу Праггнанандҳаа

Парҳам Мақсуду — Читҳамбарам Аравиндҳ

Ян Непомняший — Аржун Эригаиси

Нодирбек Абдусатторов — Ричард Раппорт

Шамсиддин Воҳидов — Жавоҳир Синдаров

Турнирнинг Challengers гуруҳида иштирок этаётган Гулруҳбегим Тоҳиржонова 3-турда оқ доналарда украиналик шахмат афсонаси Василий Иванчук синовидан ўтади. Бу гуруҳда қўшимча кўрсаткичларга кўра пешқадамлик қилаётган гроссмейстеримиз Муҳиддин Мадаминов хитойлик таниқли гроссмейстер Ма Кунга қарши оқ доналарда ўйнайди. Жаҳонгир Воҳидов озарбайжонлик гроссмейстер Нижат Абасов, Муҳаммадзоҳид Суяров эса Эндрю Ҳонг билан ҳисоб-китоб қилади. 

UzChess Cup. Challengers гуруҳи. 3-тур жуфтликлари

Муҳаммадзоҳид Суяров — Эндрю Хонг

Виталий Сивук — Николас Теодороу

Муҳиддин Мадаминов — Ма Кун

Гулруҳбегим Тоҳиржонова — Василий Иванчук

Жаҳонгир Воҳидов — Нижат Абасов

Futures гуруҳининг 3-турида ўзбек дербиси кузатилади. Ҳумоюн Бегмуратов ва Саидакбар Сайдалиев ўзаро тахтадаги муносабатларига ойдинлик киритиб олишади. Иккала учрашувда ҳам ғалаба қозонган туркманистонлик Сапармират Атабаев 3-турда гроссмейстеримиз Ортиқ Ниғматовга қарши баҳс олиб боради. 

UzChess Cup. Futures гуруҳи. 3-тур жуфтликлари

Ҳумоюн Бегмуратов — Саидакбар Сайдалиев

Клемени Сичев — Евгений Алексеев

Сапармират Атабаев — Ортиқ Ниғматов

Роберт Рак — Борис Чаталбашев

Абдималик Абдисалимов — Алан Пичот