08 авг 08:02
Янгиликлар

Бокс/ММА

Ва ниҳоят! Богдан Гусковнинг UFC'даги илк рақиби маълум бўлди!

2 сентябрь куни Франция пойтахти Парижда UFC Fight Night мусобақаси бўлиб ўтади.

Мазкур мусобақа доирасида Швейцария вакили Волкан Оздемир (18-7) россиялик Азамат Мурзаконов (13-0) билан жанг қилиши керак эди. Бироқ Мурзаконов бу жангда иштирок эта олмаслиги маълум бўлди.

Аҳамиятлиси, унинг ўрнини заҳира жангчиси сифатида ярим оғир вазнда ўзбекистонлик UFC жангчиси Богдан Гусков (14-2) эгаллади. Эндиликда Гусков дебют жангини айнан Волкан Оздемирга қарши ўтказади.

Эслатиб ўтамиз, Волкан Оздемир сўнгги жангини ўтган йилнинг октябрь ойида UFC 280 турнири доирасида Никита Криловга қарши ўтказиб, мағлуб бўлган эди. У фаолияти давомида Даниель Кормье, Энтони Смит, Доминик Рейес, Иржи Прохаска, Магомед Анкалаев каби спортчилар билан жанг қилган.