Вадим Немков Bellator билан янги шартнома имзолади

Бу ҳақда лига президенти Скотт Кокер хабар берди.

"Вадим Немков Bellator промоушенининг муҳим жангчиларидан бири ҳисобланади. У кучли аралаш яккакураш устаси. Ўтказган Гран-примиз шуни тасдиқладики, бизнинг промоушенда дунёнинг энг кучли яримоғир вазн тоифаси жангчилари жам бўлган. Дивизион етакчиси билан янги шартнома имзолаганимиздан хурсандмиз. Сабрсизлик билан 2023 йилги Вадим Немков иштирокидаги жангларни кутиб қоламиз", - деди Кокер.

Ўтган йили 30 ёшли Немков яримоғир вазн тоифаси Bellator Гран-приси ғолибига айланганди. У финал жангида америкалик Кори Андерсонни очколар ҳисобига кўра мағлубиятга учратган эди. Вадим навбатдаги чемпионлик ҳимоя жангини 4 февраль куни Bellator 290 турнири доирасида кубалик 45 ёшли Йоэл Ромерога қарши ўтказиши керак эди. Лекин бу жанг кечроқ муддатга қолдирилди. Бунга Немковнинг шартномани янгилаши сабаб бўлган дейилмоқда хабарда.