07 июл 10:22
Янгиликлар

Футбол

“Валенсия”ни бошқаришга уч нафар даъвогар

Франциялик мутахассис Лоран Блан “Валенсия” устозига айланиши мумкин, дея хабар бермоқда L'Equipe.

Нашр хабарига кўра, 54 ёшли мураббий испания клубини бошқаришга асосий даъвогар бўлиб турибди. Блан испан тилини яхши билади. “Валенсия” раҳбарияти шунингдек, Марку Силва ва Кике Санчес Флорес номзодини ҳам кўриб чиқмоқда.

Эслатиб ўтамиз, 29 июнь куни “Валенсия” устози Альберт Селадес истеъфога чиқарилганди. У 2019 йил сентябридан буён жамоага бош мураббийлик қилиб келганди.