Валентина Шевченко: "Аманда Нуньес учинчи жангимиз ўтказилмаслигини астойдил истамоқда"

"Ўйлашимча, Аманда Нуньес учинчи жангимиз ўтказилмаслигини астойдил истамоқда. У бизнинг иккинчи жангимизда ғалабани унга совға қилишганини тушуниб турибди.

Аманда ўзидан кичикроқ қиз келиб уни ютиб қўйганини билади ва бу унга таъсир қилади. Шунинг учун ҳам у мени икки марта мағлуб қилганини ҳар жойда такрорлайверади. Бу билан у аслида нима ҳис қилаётганини яширишга уринади.

Нуньес билан учинчи жанг - менинг мақсадим. Орадан вақт ўтди, жуда кўп нарсалар ўзгарди. Мен бутунлай бошқа жангчига айландим. Мен фақат олдинга бораман, керак бўлса жон беришга ҳам тайёрман", - деди Валентина Шевченко.

Эслатиб ўтасмиз, Нуньес ва Шевченко икки марта ўзаро жанг қилишган ва уларнинг иккаласида ҳам Аманда Нуньес очколар ҳисобига ғалаба қозонган.