Валентина Шевченко: "Мен "уруш"га тайёрман, лекин жанг осон бўлмайди"

Қирғизистонлик чемпион бўлажак жанг ҳақидаги фикрлари билан ўртоқлашди.

"Мен ҳар доим энг яхшилар билан учрашганман - энг енгил вазнда ҳам, ўта енгил вазнда ҳам, - деди Шевченко UFC учун берган интервьюсида. - Биламан, Вейли - ажойиб, серқирра жангчи. Мен яхши спарринг-жанглар ўтказдим. Таиландда бошладик, кейин Марокаш, Лас-Вегас, Техасда давом этдик ва шу ерда, Нью-Жерсида тугатдик. Турли хил география, турли хил машғулот, турфа шериклар. Албатта, биз рақибни - унинг барча жиҳатларини батафсил ўрганишга алоҳида эътибор қаратдик. Энг муҳими, ўзимни жуда яхши ҳис қиляпман. Мени ҳеч нарса тўхтата олмайди". 

"Мен урушга тайёрман. Енгил жанг кутмаяпман - у бундай бўлмайди, - деб қўшиб қўйди Валентина. - Мен Вейлининг барча заиф томонларини ва улардан қандай фойдаланишни биламан. Аммо бу жангнинг осон кечишини кафолатламайди. Мен бу чақириққа тайёрман. Мен ўз кучимни биламан, ўзимга тўлиқ ишонаман ва октагонда боримни беришга тайёрман".

15 ноябрдан 16 ноябрга ўтар кечаси Нью-Йоркда UFC 322 турнири бўлиб ўтади. Унинг асосий воқеаси ярим ўрта вазн тоифасида Жек Делла Маддалена ва Ислам Махачев ўртасидаги чемпионлик жанги бўлади. Шунингдек, ушбу шоу доирасида россиялик жангчилар Роман Копилов, Вячеслав Боршев ва Байсунгур Сусуркаев ҳам ўз жангларини ўтказади.