23 май 15:28
Янгиликлар

Теннис

Варвара 209-ракеткага қарши баҳсда иккита матчболдан чиқиб кетди

Франциянинг Страсбург шаҳрида теннис бўйича нуфузли WTA турнири давом этмоқда.

Дунёнинг 44-ракеткаси, россиялик Варвара Грачёва илк даврада WTA рейтингининг 209-поғонасида бораётган хитойлик Чжуосюань Байни қийинчилик билан мағлубиятга учратди - 6/3, 3/6, 7/6(3).

Бу теннисчиларнинг ўзаро ўтказган илк учрашуви эди. Икки соату 29 дақиқа давом этган баҳсда Варвара иккита матчболдан чиқиб кета олган. Грачёва 2, Бай 3 та эйс зарбасини амалга оширган. Қўшхато ва брейк ҳар иккала теннисчида бир хилда бўлди - 2 ва 4 тадан. Энди Грачёва франциялик Селена Яничиевичга қарши кортга чиқади.