Василий Ломаченко - Жамейн Ортис жанги тўлиқ давом этди + ФОТО

Top Rank промоутерлик компанияси томонидан ташкил этилган ушбу бокс оқшомининг марказий жанги учта вазн тоифасида собиқ жаҳон чемпиони, украиналик 34 ёшли Василий Ломаченко (16-2, 11 KO) ҳамда шу кунгача мағлубият нималигини билмай келган америкалик 26 ёшли Жэмейн Ортис (16-0-1, 8 KO) ўртасида бўлиб ўтди.

Ўн икки раундга мўлжалланган жанг тўлиқ давом этди ва ғолиб ҳакамлар қарорига кўра аниқланди. Унда ҳакамлар бир овоздан 115-113, 116-112, 117-111 ҳисобида Ломаченконинг ғалабасини таъминлашди.

Эслатиб ўтамиз, Василий Ломаченко ўзининг сўнгги жангини ўтган йилнинг декабрь ойида ганалик собиқ жаҳон чемпиони Ричард Комми (30-4-1, 27 KO)га қарши ўтказиб, рақибини очколар ҳисобига кўра мағлубиятга учратганди. Ортис эса шу йил май ойида Жамел Херринг (23-4, 11 KO)дан устун келган эди.

Василий Ломаченко эса бу ғалабадан сўнг енгил вазнинг мутлақ чемпиони Девин Хейнига қарши жанг қилиш имконига эга бўлди.