25 ноя 10:51
Янгиликлар
Кураш
Вазир ўзбекистонлик курашчи қизлар билан учрашди
Ҳиндистоннинг Пуна шаҳрида кураш бўйича катталар ўртасидаги жаҳон чемпионати ҳамда Халқаро кураш ассоциациясининг навбатдаги Конгресси бўлиб ўтмоқда.
Мазкур катта кураш байрамида Ўзбекистон Республикаси спортни ривожлантириш вазири Адхам Икромов ҳам иштирок этмоқда. Кеча Халқаро Кураш ассоциациясининг Конгрессида Адҳам Икромов IKAнинг Фахрий биринчи вице–президенти этиб сайланди.
Тадбирлар доирасида вазир Кураш бўйича Ўзбекистон аёллар терма жамоаси аъзолари билан ҳам учрашди. Уларга мусобақаларда куч-ғайрат ва омад тилади. Кураш ватани вакиллари сифатида ҳар жиҳатдан бошқа давлат курашчиларига ўрнак бўлиши лозимлигини алоҳида таъкидлади.
Чемпионат дастурига асосан кураш баҳслари 26 ноябрь кунидан бошланади. XIII жаҳон чемпионатида Ўзбекистон миллий терма жамоаси тўлиқ таркибда иштирок этади.
Ҳавола :
Манба : olamsport.com
Фикрлар