Вазирликда “Ўзбекистон Республикаси «Давлат тили ҳақида»ги Қонуннинг ижроси муҳокама қилинди

Унда Ўзбекистон Республикаси «Давлат тили ҳақида»ги Қонуннинг жисмоний тарбия ва спорт соҳасидаги ижроси муҳокама қилинди.

Жисмоний тарбия ва спорт вазирининг ўринбосари Нодир Муротов раислигида ўтказилган йиғилишда Ўзбекистон Республикаси Бош прокуратурасининг бошқарма прокурори Муродулла Турсунметов, вазирнинг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси Зокир Расулов, вазирлик бошқарма ва бўлим бошлиқлари, Қорақалпоғистон Республикаси жисмоний тарбия ва спорт вазири, вилоятлар ва Тошкент шаҳар жисмоний тарбия ва спорт бошқармалари, ҳудудларнинг марказий туман(шаҳар) жисмоний тарбия ва спорт бўлим бошлиқлари, барча турдаги спорт таълим муассасалари ва ташкилотлари раҳбарлари иштирок этди.

Йиғилишда Ўзбекистон Республикаси Президентининг 2020 йил 20 октябрдаги ПФ–6084-сонли «Мамлакатимизда ўзбек тилини янада ривожлантириш ва тил сиёсатини такомиллаштириш чора-тадбирлари тўғрисида»ги Фармони доирасида келгусида вазирлик ҳамда вазирлик тизимидаги муассаса ва ташкилотларда амалга ошириладиган вазифалар, шунингдек, Ўзбекистон Республикаси Бош прокуратурасининг 2020 йил 30 октябрдаги 10.1/10-20-133-сонли «Қонун бузилиши, унинг келиб чиқиш сабаблари ва бунга имконият бераётган шарт-шароитларни бартараф этиш тўғрисида»ги тақдимнома муҳокама этилди.

Видеоселектор йиғилишида келгусида иш юритиш жараёнида ўзбек тилининг имло қоидаларига жиддий эътибор қаратиш борасида тегишли кўрсатма ва тавсиялар берилди.