Велопойгачи рақибасини илғамай қолди ва Олимпия чемпиони бўлдим деб ўйлади

Нидерландиялик велопойгачи аёл Аннемик ван Влойтен велоспорт пойгасида ўзидан анча олдинда рақиби борлигини билмасдан, маррага кириш жараёнида ўзини Олимпия ўйинларининг шоссе йўналишида ғолиб деб ўйлади.
Аммо, ван Влойтендан олдинда, деярли 10 дақиқалик фарқ билан австриялик Анна Кизенхофер бор эди ва ушбу спортчи ушбу пойгада катта фарқ билан ғалаба қозонди.

Нидерландиялик пойгачи финишга яқинлашганда, ўзини биринчи бўлдим деб ўйлаб, бу воқеани нишонлашга тушганди. Кейинчалик эса, ташкилотчилар унга иккинчи бўлганини хабар қилишди.