22 окт 17:09
Янгиликлар

Велоспорт

Велотрек бўйича Ўзбекистон кубоги қизғин давом этмоқда

Наманган шаҳридаги велотрек мажмуасида велоспортнинг трек йўналиши бўйича катталар ўртасида Ўзбекистон кубоги мусобақаси бўлиб ўтмоқда.

Мусобақанинг иккинчи кунги дастурида жамоавий ва чиқариб юбориш пойгалари ташкил этилди.

Эркаклар ўртасида жамоавий пойгада ғолиблар 4 км. масофада аниқланди. Унда Артём Тализенков, Муҳаммад Салимов, Владислав Троман, Давиржон Абдураҳмоновдан иборат Сурхондарё жамоаси ғолиб бўлди. Ушбу масофадаги аёллар баҳсида Тошкент вилояти жамоаси ўз таркибидаги Моҳинабону Элмуродова, Шаҳноза Абдуллаева, Роксана Ҳикматова, Ольга Лейб каби велоспортчиларни жамлаган ҳолда биринчи поғонадан жой олди.

Эркаклар ўртасида чиқариб юбориш гуруҳ пойгасида Даниил Фёдоров, Владислав Троман ва Алимардон Жамолдинов ғолиб ва совриндорлар қаторидан жой олган бўлса, Нафосат Қўзиева, Самира Исмоилова ҳамда Асал Ризаева аёллар орасида совринли ўринларни эгаллади.