Веснинанинг уйини ўғри урди. Олимпиада медаллари ўғриланган

Бу ҳақида россиялик теннисчининг ўзи маълум қилди. 

"Турмуш ўртоғим билан кечки овқатдан сўнг уйга қайтганимизда бу бахтсиз ходиса рўй берганига гувоҳ бўлдик. Ўғрилар иккала Олимпиада медалимни ўзлари билан олиб кетишибди. Улар сейфни бузиб, қимматбаҳо буюмларни ҳам ўғрилашган", - дейди Веснина.

Веснинанинг айтишича, ўғрилар эшикни бузиб уйга киришган. Улар кечки овқатга кетаётганда сигнализацияни ёқишни унутишган. Елена полицияга хабар берган. Ҳозирча теннисчига қанча моддий зарар етказилгани аниқ эмас.