Виктория Азаренконинг Мадриддаги юриши давом этади

Жаҳоннинг 17-ракеткаси, беларуслик Виктория Азаренко турнирнинг иккинчи даврасида WТА рейтингида 24-ўринни эгаллаб турган словениялик Тамара Зиданшекни 3/6, 6/1, 6/3 ҳисобида мағлуб этиб, мусобақанинг учинчи даврасига йўл олди.

Учрашув 2 соату 22 дақиқа давом этган. Ушбу вақт давомида Виктория бешта эйс, олтита брейк ва саккизта қўшхато қайд этди. Тамара эса иккита эйс зарбасини амалга ошириб, етти марта қўшхатога йўл қўйди ва учта брейкдан унумли фойдаланди. Теннисчиларнинг ўзаро учрашувларида ҳисоб тенглашди - 1:1.

Mutua Madrid Open мусобақасининг 1/8 финалида Азаренко хорватиялик Петра Мартичдан устун келган америкалик Аманда Анисимовага қарши баҳс олиб боради.