Вилоят федерацияси раҳбари ёшларимиз билан учрашди

Бугун Тошкент вилояти дзюдо федерацияси раиси, Чирчиқ шаҳар ҳокими ўринбосари Дониёр Йўлдошев машғулотлар ўтказилаётган "Кимёгар" спорт мажмуасида терма жамоамиз аъзолари, мураббийлар билан учрашди. Дониёр Эркинович рестартдан кейинги мусобақаларга тайёргарлик кўраётган дзюдочиларимиз билан суҳбатлашар экан, уларга масъулиятли беллашувларда ғалаба ёр бўлишини тилади.

Тадбир сўнггида Ўзбекистон дзюдо федерацияси номидан иштирок этган Равшан Ҳайдаров Дониёр Йўлдошевга зарбоп тўн ҳамда эсдалик совғаси топширди.