18 дек 07:08
Янгиликлар

Футбол

Винисиус The Best мукофоти соҳиби, Анчелотти 2024 йилнинг энг яхши мураббийи!

Мадриднинг "Реал" клуби устози Карло Анчелотти ФИФА талқинига кўра 2024 йилнинг энг яхши мураббийи, жамоа аъзоси Винисиус Жуниор эса энг яхши футболчига айланди.

"Реал"нинг 24 ёшли бразилиялик вингери Халқаро футбол федерацияси (ФИФА) талқинига кўра йилнинг энг яхши футболчиси деб топилди.

2024 йил энг яхши ўйинчи бўлиш учун шунингдек, Жуд Беллингем, Дани Карвахаль, Килиан Мбаппе, Федерико Вальверде (барчаси – "Реал"), Эрлинг Холанд, Родри (иккиси ҳам – "Манчестер Сити"), Тони Кроос (фаолиятини якунлади), Лионель Месси ("Интер Майами"), Флориан Вирц ("Байер") ва Ламин Ямал ("Барселона") даъвогарлик қилганди.

Карло Анчелотти 2024 йилнинг энг яхши мураббийи деб топилди. У бу мукофот учун курашда Хаби Алонсо ("Байер"), Хосеп Гвардиола ("Манчестер Сити"), шунингдек Испания термасидан Луис де ла Фуэнте ва Аргентина термасидан Лионель Скалонини ортда қолдирди.

Эслатиб ўтамиз, Анчелотти 2024 йилда "Реал" билан тўртта соврин ютди. "Қаймоқранглилар" Испания чемпиони бўлишди, Испания ва Европа Суперкубогида ғолиб чиқишди. Шунингдек, УЕФА Чемпионлар лигасини ютишди.

Бугун "Реал" Қатарда Қитъалараро кубок финалида "Пачука"га қарши ўйнайди.