Виржил Ортиc: "Мен ҳеч қачон ҳеч ким билан жангдан қочмаганман"

— Бу сизнинг фаолиятингиздаги энг катта жанг бўлдими?

"Мен жуда хурсандман. Жангнинг шундай кечиши кутилган эди. Мен энг яхши боксчи эканлигимни билардим. Барчага ҳурматни сақлаган ҳолда айтаман. Биз бу жанг қандай кечишини билардик. У кучли рақиб. У дунёдаги энг яхши боксчилардан бирига мағлуб бўлганидан кейин ўзининг кучли эканини исботлаш мақсадида ғалаба қозониш учун рингга чиқди. Биз эса шунчаки бу вазнда энг зўри эканлигимизни ва ҳар кимга қарши жанг қилишга тайёр эканлигимизни кўрсатмоқчи эдик".

— Жанг бошида сиз Мадримовнинг тезкор ҳаракатларига дуч келишингиз аниқ эди. Бу муаммони ҳал қилишнинг калити нимада эди?

"Сабр. Олдинга шошилманг, зарбалар беришда ҳам шошманг. Бу мен боксда йиллар давомида ўрганган нарсам – ҳаммасини битта зарбада сарфламаслик. Мен ақлли бўлишим ва зарбаларни тўғри танлашим кераклигини билардим".

— Жангнинг иккинчи ярмида у бироз асабийлашди. Ўша пайтда сиз учун нима муҳим бўлди?

"Фақат хотиржам бўлиш, ёниб кетмаслик. Мен жанг қилишни яхши кўраман. Хотиржам бўлинг ва энг яхшисини бажаринг".

— Энди сиз шубҳасиз бу вазндаги энг яхшилардан бирисиз. Энди нима қилмоқчисиз?

"Мен фақат энг яхшиларига қарши жанг қилмоқчиман. Турки ким билан келишса, мен "ҳа"дейман. Унинг ўзидан сўрашингиз мумкин – улар нима дейишидан қатъий назар, мен ҳеч қачон ҳеч кимдан қочмаганман", деди Ортис.