Владимир Путин AIBA Конгресси иштирокчиларига табрик йўллади

AIBA Конгресси аввалида Россия Федерацияси Президенти Владимир Путиннинг иштирокчилар ва меҳмонларга йўллаган табрик хати ўқиб эшиттирилди. Бу вазифани Россия Олимпия Қўмитаси биринчи вице-президенти Игорь Левитин бажарди. 

“Қадрли, дўстлар! Сизларни Халқаро ҳаваскор боксчилар ассоциациясининг ҳисобот-сайлов конгрессининг Москвада ўтказилаётгани муносабати билан қутлайман. Бугунги кунда AIBAташкилоти ўзида 200дан ортиқ давлатни бирлаштирган. Ташкилот спорт ҳамжамиятида катта обрўга эга ҳисобланади. Ўтган йиллар давомида AIBA бокс спорт турининг дунё бўйлаб оммалашиши учун катта ҳажмдаги ислоҳотларни олиб борди. 

Ишончим комил, Конгресс давомида баъзи йиғилиб қолган масалалар атрофлича муҳокама қилинади ва ўзининг ижобий ечимини топади. Бу борада сизларга омад тилайман. 

Россия Федерацияси Президенти Владимир Путин”

Ўз ўрнида ҳамюртимиз AIBA президенти Ғофур Раҳимов Владимир Путинга ўз миннатдорчилигини билдирар экан, Россия Федерацияси Конгрессни юқори савияда ўтказишга яқиндан ёрдам берганлигига алоҳида урғу қаратди. 

Камолиддин АЛИМОВ Москва, Россия Федерацияси