Волейбол: Ўзбекистон суперкубогида аёллар мусобақани якунлади

Унда жорий йилги мамлакат чемпионлари ҳамда кубоги соҳиблари ўзаро куч синашмоқда.

Аёллар ўртасида Ўзбекистон чемпиони бўлмиш Қорақалпоғистон Республикаси терма жамоаси дастлабки ўйинда мамлакат кубоги финалчиси Жиззах вилояти термаси устидан ишончли ғалабага эришган эди – 3:0. Бугун бўлиб ўтган иккинчи кун баҳсларида ҳам ушбу жамоалар баҳс олиб боришди. Қизғин ва муросасиз кечган ўйинда қорақалпоғистонлик қизларнинг қўли яна бир бор баланд келди (3:0) ва Ўзбекистон суперкубогини қўлга киритишди.

Эркаклар ўртасида эса ОТМК жамоаси ҳамда Самарқанднинг “Ўзтелеком” жамоаси ўзаро баҳс олиб бормоқда. Биринчи ўйинда чемпионатнинг олтин медалларини қўлга киритган ОТМК жамоаси волейболчилари мамлакат кубоги соҳиби Самарқанднинг “Ўзтелеком” жамоаси устидан – 3:1 ҳисоби билан ғалаба қоғонган эди.

Кеча бўлиб ўтган учрашувда Самарқанднинг “Ўзтелеком” жамоаси кечаги мағлубиятдан керакли ҳулоса чиқарган кўринади рақибларига ҳеч қандай имконият қолдирмади – 0:3. Энди жамоалар эртага ҳал қилувчи баҳсларга киришади. Умумий ҳисоб ҳозирча 1:1 бўлиб турибди. Бугун бўлиб ўтадиган баҳсда ғалаба қозонган жамоа эркаклар ўртасида Ўзбекистон суперкубогини қўлга киритади.

Шунингдек, волейбол спортига ўз ҳиссаларини қўшиб келаётган бир қатор мураббийлар диплом ва эсталик совғалари билан тақдирланди.