Волейбол. Япониядаги Осиё чемпионатида терма жамоамиздан кутилган старт

Қитъа чемпионатида 16 жамоа 4 гуруҳга бўлинган ҳолда баҳсларга киришди. 

Эркаклар ўртасида Осиё чемпионати

“А” гуруҳи: Япония, Ҳиндистон, Қатар, Бруней,

“Б” гуруҳи: Эрон, Покистон, Таиланд, Гонконг,

“С” гуруҳи: Австралия, Хитой, Ўзбекистон, Қувайт,

“Д” гуруҳи: Жанубий Корея, Хитой тайпейи, Қозоғистон, Саудия Арабистони.

Афсуски, вакилларимиз гуруҳ босқичини Австралия терма жамоасига қарши бошлашди ва ўйинда 0:3 ҳисобида ютқазиб қўйишди. Ҳамюртларимиз анча номдор ҳисобланган “Яшил қитъа” вакилларига 16:25, 19:25, 19:25 ҳисобларида имкониятни бой беришди. Гуруҳдаги иккинчи ўйинда эса Хитой терма жамоаси Қувайтни 3:0 ҳисобида енгди.

Биринчи турдан сўнг Австралия терма жамоаси 3 очко билан 1-ўринни эгаллаб турибди. Иккинчи ўриндаги Хитой ҳисобида ҳам шунча очко бор. Вакилларимиз эса қўшимча коеффициентларга кўра Қувайтни ортда қолдирган ҳолда учинчи поғонадан жой олишган.

Айни шу дақиқаларда вакилларимиз 2-тур доирасида Хитойга қарши майдонга тушишган.