21 апр 18:45
Янгиликлар
Волейбол
Волейболчиларимиз Осиё чемпионатининг Марказий минтақа босқичида иштирок этадилар
Бугун Бангладешда волейбол бўйича эркаклар ўртасида Осиё чемпионатининг Марказий минтақаси ўйинлари бошланади.
Беллашувларда қатнашадиган 6та терма жамоа ичида ўзбекистонлик спортчилар ҳам бор.
Вакилларимиз «B» гуруҳида Қирғизистон ва Туркманистон терма жамоаларига қарши кураш олиб борадилар. «А» гуруҳида эса Бангладеш, Мальдив ва Непал терма жамоалари ўзаро ҳисоб-китоб қиладилар. Гуруҳларда биринчи ва иккинчи ўринни эгаллаган жамоалар ўртасида ярим финал ўйинлари ташкил этилади.
Ўзбекистон терма жамоаси 23 апрель куни Туркманистонга қарши ўйин ўтказса, 24 апрелда Қирғизистонни синовдан ўтказади. Мусобақа 27 апрель куни якунланади.
Биз мазкур баҳсларда ҳамюртларимизга омад тилаб қоламиз.
Ҳавола :
Манба : olympic.uz
Фикрлар