Волкан Оздемир: "Бу менинг оқшомим бўлади"

Оқшомнинг асосий кардида ҳамюртимиз Богдан Гусков Швейцария вакили Волкан Оздемирга қарши октагонга кўтарилади. Аслида Оздемир UFC Fight Night 226 турнирида россиялик Азамат Мурзакановга қарши жанг қилиши керак эди. 

"Менежерим менга бу йигит (Азамат Мурзаканов назарда тутилган, - таҳририят) жароҳат олганини айтганди. Рақиб топилиши учун вақт керак бўлди ва шу сабабдан бир неча кун сукут сақлаб турдим. Аммо машғулотлар режа асосида давом этди. Бошқа нарса ҳақида ўйламаслигим керак эди. Менежеримга UFC вакиллари Парижда кардга киритилган 15 жангчидан бошқа ҳеч ким қолмади деб айтишди. 

Лекин умидни узмадим, чунки Парижда жанг қилиш менинг энг катта орзуларимдан бири эди. Шунда UFC расмийлари "агар чиндан ҳам жангни сақлаб қолишимизни истасанг, у ҳолда янги бола билан шартнома имзолашимиз керак бўлади" дейишди. Бу таклифга ўйлаб ўтирмай "ҳа" деб жавоб бердим. Сабаби, бу ҳаракатларнинг бари мен учун қилинаётганди. 

Қаршимда ким туришини менга қизиғи йўқ, чунки бу менинг оқшомим бўлади", — дея Оздемирнинг сўзларини келтиради Cageside Press.

Olamsport.com сайтининг UFC жангчиси Богдан Гусков билан интервюсини томоша қилинг