10 июн 11:18
Янгиликлар
Бокс/ММА
Волкановски Оливейра - Дариуш баҳси ғолиби билан жанг қилмоқчи
Ярименгил вазн тоифасида UFC чемпиони Александр Волкановски Бенеил Дариуш ва Чарльз Оливейра ўртасидаги жанг ва енгил вазн тоифасида чемпионлик унвонини қўлга киритиш истаги ҳақида гапирди.
"Дариуш Оливейрага қарши, бу жуда ажойиб жанг албатта. Ҳаммамиз биламиз, Бенеил камарга муносиб эди. Эҳтимол, у аввалроқ бунга лойиқ бўлган эди. Бу жанг у учун жуда муҳим. Шу билан бирга Чарльз ҳам бу жангда ғалаба қозониши керак, сабаби унинг сўнгги жанги чемпионлик камари учун бўлган. Оливейранинг бир нечта ажойиб чемпионлик ғалабалари бор. Буни амалга ошириш осон бўлмаган.
Жанг ғолиби кейинчалик нима қилишини кўрамиз. Мен ҳали ҳам енгил вазнда чемпионлик камарини қўлга киритишни истайман. Бу вақт масаласи холос. Балки, бу жангда ғолиб бошқа рақибга қарши курашар, мен эса ғолиб билан бироз кейинроқ тўқнаш келарман. Олдинда ҳали вақт бор. Нима бўлишидан қатъи назар мен тайёрман" - деди Волкановски.
Ҳавола :
Манба : championat.com
Фикрлар