11 апр 08:47
Янгиликлар

Теннис

Volvo Car Open. Вероника Кудерметова финалга чиқди

АҚШнинг Чарльстон шаҳрида теннис бўйича аёллар ўртасидаги Volvo Car Open турнири давом этмоқда.

Дунёнинг 38-ракеткаси бўлиб турган россиялик Вероника Кудерметова мусобақанинг ярим финалида WТА рейтингининг 71-поғонасидан жой олган испаниялик Паула Бадосани мағлубиятга учратди - 6/3, 6/3.

Тўқсон дақиқа давом этган баҳсда Вероника 5 та, Паула эса 3 та эйс зарбасини амалга оширди. Теннисчиларнинг ўзаро учрашувларида Кудерметова 3:0 ҳисобида олдинда бормоқда. Энди у Volvo Car Open финалида черногориялик Данка Ковиничга қарши кортга чиқади.