"ВТБ Кремль Кубоги". Аёллар ўртасидаги турнир бош соврини Эстонияга кетди

Бош соврин учун кечган ҳал қилувчи финал учрашувида дунёнинг 20-ракеткаси бўлиб турган эстониялик 25 ёшли Анетт Контавейт WTA рейтингида 37-поғонадан жой олган россиялик 25 ёшли Екатерина Александровани қийинчилик билан мағлуб эта олди - 4/6, 6/4, 7/5.

Икки соату 25 дақиқа давом этган баҳсда Анетт ҳам, Катя ҳам 5 тадан эйс зарбани амалга оширишди. Теннисчиларнинг ўзаро учрашувларида Контавейт ҳисобни ўз фойдасига ўзгартирди - 2:0. Москвадаги муваффақиятли иштирок Контавейтга фаолиятидаги тўртинчи совринни, 68,570 доллар мукофот пули ҳамда 470 рейтинг очкоси келтирди.