WBC Amateur TURKSOY: Туркистонда илк чемпионлик камари соҳиблари аниқланади

Қозоғистон, Ўзбекистон, Қирғиз Республикаси, Туркия, Туркманистон ва Озарбайжон профессионал бокс федерациялари раҳбарлари иштирокида ўтган саммитда WBC Amateur TURKSOY чемпионлик камари учун турнир ташкил этиш ғояс илгари сурилганди. 

WBC Бошқарув кенгаши аъзоси Оксана Семинишина, ТУРКСОЙ ташкилоти бош котиби Султан Раев иштирок этган ўша Саммитда янги турнирнинг чемпионлик камари тақдимоти ҳам ўтказилганди. Туркий тилли давлатлар боксчилари ўртасидаги турнир ғолиблари WBC Amateur TURKSOY чемпионлик камарини қўлга киритади. 

Ушбу мусобақа туркий давлатларда профессионал боксни айнан ёшлар ўртасида оммалаштириш, тажриба алмашиш, иқтидорли ёшларни қўллаб-қувватлаш, катта ареналарга чиқиши учун ёрдам бериш 

Бугун Қозоғистоннинг Туркистон шаҳрида туркий қардош давлатлар дўстлигини янада мустаҳкамлашга хизмат қилувчи ушбу бокс турнири бошланди. 

2008-2009 йилларда таваллуд топган ёш боксчилар ўртасида ўтказилаётган турнирда 9 нафар ҳамюртимиз ҳам рингга чиқмоқда. Реферимиз Ислом Раҳмонов жангларда ҳакамлик қиляпти. 

Боксчиларимиз иштирокидаги жанглар:

46 кг. Одилшоҳ Халимов (Ўзбекистон) - Сеитбек Нурсултан (Қозоғистон)

52 кг. Дмитрий Дилдин (Қозоғистон) - Абдураҳмонжон Сатторов (Ўзбекистон)

52 кг. Бобомурод Боймирзаев (Ўзбекистон) - Ерасил Мейрамхан (Қозоғистон)

57 кг. Сардор Шодиев (Ўзбекистон) - Имангали Кайратули (Қозоғистон)

63 кг. Абдраим Темирлан (Қозоғистон) - Аброрбек Шарипов (Ўзбекистон)

63 кг. Суҳроб Раҳматуллаев (Ўзбекистон) - Оразали Кобей (Қозоғистон)

70 кг. Ёрмуҳаммадбек Ҳусанбоев (Ўзбекистон) - Шаҳриёр Расулжонов (Ўзбекистон)

70 кг. Суҳбатулло Неъматов (Ўзбекистон) - Досхан Шарипханов (Қозоғистон)