WBC раҳбари Усик жангини тайинлашга ваъда берди

Бу ҳақда эслатган WBC ташкилоти президенти Маурисио Сулаймон вақтинчалик чемпион Агит Кабаелга қарши мажбурий ҳимоя кейинроқ белгиланиши, муддатга ҳам бир муддат кейин эълон қилинишини айтди. 

Усик аввалги жангини ўтган йилнинг июль ойида ўтказганди. Унинг қачон ва кимга қарши рингга кўтарилиши ҳозирча номаълум. Кабаел эса йил бошида вақтинчалик камар ҳимоясини ўтказди ва немис томошабинларининг катта қизиқишига сабаб бўлди.

"Усик ихтиёрий ҳимоя сўради ва рухсат олди, - деди Сулаймон Sky Sports’га берган интервьюсида. - Кабаел йил бошида Германияда камар ҳимоясини ўтказди, шунинг учун биз Усикнинг ихтиёрий ҳимоя бўйича режаларини кўришни кутяпмиз. Лекин охир-оқибат чемпион Усикка даъвогар Кабаелга қарши жангни тайинлаймиз".

"Охирги ҳимоядан кейин Кабаел Германияда қаҳрамонга айланди ва бу янги имкониятлар эшигини очади. Энди Кабаел-Усик жанги Германияда ҳам катта жанг сифатида кутиб олинади", - дея қўшимча қилди Сулаймон.