WBC Уайлдер - Фьюри жанги ҳакамлиги бўйича берилган апелляцияни кўриб чиқадими?

Куни кеча промоутер Фрэнк Уоррен WBCга Уайлдер ва Фьюри ўртасида реванш жангини ташкил этиш бўйича сўровнома жўнатганди. Ўз ўрнида WBC расмий мулозимлари такрорий жангга қарши эмасликларини билдиришди.

Ваҳоланки, америкалик жаҳон чемпиони ўзига тегишли бўлган WBC чемпионлик камарини расмий даъвогар Доминик Бризилдан ҳимоя қилиши керак. Шунга қарамай, WBC жангнинг томошабоплиги жиҳатидан икки томонга музокараларни ўтказишга рухсат берди. 

Лекин биринчи жанг ҳакамлиги бўйича берилган апелляция WBC томонидан кўриб чиқилмайди. Бу хабарни шахсан WBC президенти Маурицио Сулаймоннинг ўзи айтган. 

“Жангнинг уччала ҳаками ҳам ҳалол инсонлар эди. Уларнинг қарорларидан шубҳа қилмаса ҳам бўлади”, - дейилади WBC баёнотида.