WBO Алимхонулини допинг учун четлатди, аммо...

Бу ҳақда BoxingScene хабар бермоқда. Дисквалификацияни ўташ муддати 2025 йил 2 декабрдан бошлаб ҳисобланади. Четлатишга қарамай, Алимхонули ташкилот версияси бўйича чемпионлик камарини сақлаб қолади ва дисквалификация муддати тугагандан сўнг дарҳол камар ҳимоясини ўтказишга мажбур бўлади.

Эслатиб ўтамиз, аввалроқ Жанибек допинг-тестдан ўта олмагани, унинг намуналарида мелдоний топилгани маълум бўлганди. Шу сабабли 7 декабрь куни Сан-Антонио шаҳрида (АҚШ) ўтказилиши керак бўлган ўрта вазн (72,6 кг гача) тоифасида кубалик Эрисланди Лара билан бирлаштирувчи чемпионлик жанги бекор қилинганди.

Қозоғистонлик боксчининг рекордида 17 та ғалаба бўлиб, улардан 11 таси нокаут билан якунланган, ҳали мағлубиятга учрамаган. Жанибек профессионал рингдаги дебютини 2016 йил октябрь ойида ўтказган.