World Boxing. Бугун 5 нафар боксчимиз финал чиптаси учун рингга кўтарилади

Мусобақанинг тўртинчи кунги дастурида 5 нафар боксчимиз ярим финал жангларида рингга чиқишади. Париж-2024 Олимпиадаси иштирокчиси Тўрабек Ҳабибуллаев (-90 кг) ҳиндистонлик Вишалга қарши жанг ўтказади. Энг оғир (+90 кг) вазндаги чарм қўлқоп устамиз Жаҳонгир Зокиров қозоғистонлик Даниял Сапарбай билан ҳисоб-китоб қилади. 

Ярим финал жанглари бизнинг вақт билан соат 22:00да бошланади. Боксчиларимизнинг бугунги иштирокини Мадияр Данияров бошлаб беради. -60 кг вазндаги вакилимиз тахминан 23:15да мезбон боксчи Луис Оливейрага қарши рингга чиқади. Ҳакамлардан бу жангда холислик кутиб қоламиз. 

Боксчиларимиз иштирокидаги жанглар:

-60 кг: Мадияр Данияров – Луиз Оливейра (Бразилия) 23:15

-90 кг: Тўрабек Ҳабибуллаев – Вишал (Ҳиндистон) 00:15

-50 кг: Асилбек Жалилов – Жадумани Манденгбам (Ҳиндистон) 04:15

-75 кг: Фазлиддин Эркинбоев – Михал Ярлински (Польша) 04:45

+90 кг: Жаҳонгир Зокиров – Даниял Сапарбай (Қозоғистон) 05:00