WTA Finals. Мария Саккари Якуний турнирни ғалаба билан бошлади

Дунё рейтингида кучли саккизталикдан жой олган теннис маликалари икки гуруҳга бўлинган ҳолда бош соврин учун курашга киришишган. Сайёрамизнинг олтинчи ракеткаси, грециялик Мария Саккари гуруҳнинг илк учрашувида польшалик Ига Свёнтекни 6/2, 6/4 ҳисобида мағлубиятга учратди. 

Бир соату 26 дақиқа давом этган баҳсда 26 ёшли Саккари 2 та эйс, 3 та брейк-пойнтни амалга оширди. Қўшхатолар сони 5 тани ташкил этди. 20 яшар Свёнтек эса 2 та эйс, 6 та қўшхато ва битта брейк қайд этди. Теннисчиларнинг ўзаро учрашувларидаги ҳисоб Саккари фойдасига йириклашди - 3:0.