25 окт 09:54
Янгиликлар

Теннис

WTA Finals. “Қизил гуруҳ”нинг барча иштирокчиларида имконият бор

Сингапурда давом этаётган WTA Якуний турнирининг гуруҳ босқич 3-тури олдидан “Қизил гуруҳ”нинг барча иштирокчиларида 1/2 финалга чиқиш учун имконият сақланиб қолди.

Эртага “Қизил гуруҳ”да япониялик Наоми Осака голландиялик Кики Бертенс билан, германиялик Анжелик Кербер эса япониялик Слоан Стивенс билан муносабатларига ойдинлик киритиб олади. Агар Кербер ва Бертенс учрашуви уч сет давом этса, у ҳолда 1/2 финалнинг икки чиптаси Кербер, Бертенс ва Стивенс ўртасида ҳал бўлади.

Ғалабалар ва ютиб олинган сетлар сони тенг бўлиб қолган тақдирда қўлга киритилган геймларга мурожаат қилинади. Агар Бертенс Осакани икки сетда таслим этса, Кербернинг ғалабасидан қатъий назар голландиялик теннисчи гуруҳда биринчи ўринни қўлга киритади. Анжелик эса иккинчи бўлади.

Мабодо, Кербер рақибини икки сетда енгиб, Бертенс учта сетда зафар қучса, бу ҳолатда германиялик теннисчи гуруҳ ғолибига айланади. Голландия вакиласи эса иккинчи ўрин билан ярим финалга йўл олади.