WTA рейтинги. Контавейт иккинчи, Саккари учинчи ракеткага айланди. Нигина 7 поғона юқорилади

"Уимблдон" турнири якунларига кўра тузиб чиқилган ушбу рейтингда эстониялик теннис маликаси Анетт Контавейт учинчи поғонадан иккинчи ўринга кўтарилиб олди. Грециялик Мария Саккари ҳам бешинчи поғонадан учинчи ўринга кўтарилди. "Уимблдон" турнири ғолибаси, қозоғистонлик Елена Рибакина 23-поғонада ўзгаришсиз қолди. 

Аксинча, "Уимблдон" турнири финалчиси, тунислик Онс Жабер иккинчи ўриндан бешинчи поғонага пастлади. Польшалик Ига Свёнтек жуда катта фарқ билан ҳамон WTA рейтингини бошқариб бормоқда. Топ-10`даги Даниэль Коллинз, Жессика Пегула (иккиси ҳам АҚШ) ва Гарбин Мугуруса ҳам ўз ўринларини яхшилаб олишди. Британиялик теннис маликаси Эмма Радукану Топ-10`га қайтди. 

Ўзбекистоннинг биринчи рақамли теннис маликаси Нигина Абдураимова 7 поғонага юқорилаб, айни пайтда 194-ўринни эгаллаб турибди. Сабина Шарипова 6 поғонага пастлаб, 653-ўринга тушиб кетди. Акгул Аманмурадова 697-поғонада қайд этилган. Севиль Йўлдошева 36 поғонага юқорилаб, 1479-ўринни банд этган. 

WTA рейтинги. 11 июль кунги ҳолат

1. (1) Ига Свёнтек (Польша) - 8336 очко

2. (3) Анетт Контавейт (Эстония) - 4326

3. (5) Мария Саккари (Греция) - 4190

4. (4) Паула Бадоса (Испания) - 4030

5. (2) Онс Жабер (Тунис) - 4010

6. (6) Арина Соболенко (Беларусь) - 3267

7. (8) Даниэль Коллинз (АҚШ) - 3131

8. (9) Жессика Пегула (АҚШ) - 3087

9. (10) Гарбин Мугуруса (Испания) - 2886

10. (11) Эмма Радукану (Буюк Британия) - 2717...