WTA рейтинги. Топ-10`да битта ўзгариш, теннисчиларимизнинг барида пасайиш

Дунё теннис маликалари Топ-10`талигида битта ўзгариш кузатилди. Қозоғистонлик Елена Рибакина ва америкалик Кори Гофф ўзаро жой алмашиб олишди. Ваҳоланки, ҳар икки теннисчи якунланган ҳафтада мос равишда Австралия ва Янги Зеландиядаги турнирларда соврин ютишганди. Дунё теннис маликалари рейтингини эса ҳамон Ига Свёнтек бошқармоқда. Беларуслик Арина Собленко иккинчи ўринни банд этган. 

Янгиланган рейтингда уч нафар теннисчи қизларимизнинг барида қуйига шўнғиш кузатилди. Мамлакатимизнинг биринчи ракеткаси Нигина Абдураимова ҳамда учинчи ракеткамиз Милана Масленкова 2, Севиль Юлдашева эса тўрт поғонага пастлади. Эртага Абдураимова Австралия Очиқ чемпионати саралаш баҳсларидаги иштирокини бошлайди.   

WTA рейтинги. 2024 йил 8 январь кунги ҳолат:

1. (1) Ига Свёнтек (Польша) - 9880 очко

2. (2) Арина Соболенко (Беларусь) - 8905

3. (4) Елена Рыбакина (Қозоғистон) - 6811

4. (3) Кори Гофф (АҚШ) - 6660

5. (5) Жессика Пегула (АҚШ) - 5905

6. (6) Онс Жабер (Тунис) - 4076

7. (7) Маркета Вондроушова (Чехия) - 3966

8. (8) Мария Саккари (Греция) - 3770

9. (9) Каролина Мухова (Чехия) - 3590

10. (10) Барбора Крейчикова (Чехия) - 2945...

Ўзбекистонлик теннисчиларнинг WTA рейтингидаги ўрни:

212 (210). Нигина Абдураимова – 364

1082 (1078). Севил Йўлдошева – 14

1367 (1365). Милана Масленкова – 3