WВА Головкинга мажбурий даъвогарга қарши жанг ўтказиш учун қанча муддат берганини маълум қилди

Энди у кубалик боксчи Эрисланди Ларага қарши жанг ўтказиш мажбуриятини олди ва шунга мувофиқ жанг вақти белгиланади.

Агарда Головкин Альварес устидан ғалаба қозонганида, у беш кун ичида WВА унвонини ҳимоя қилиши керак эди. Агар у ўрта вазнга қайтса, Альваресга қарши жанг натижасидан қатъий назар Ларага қарши рингга кўтарилиши учун 120 кун вақт бериларди.

"Агар Головкин Канелога қарши жангда ғалаба қозонса, у беш кун ичида (23 сентябргача) қайси вазн тоифасида қолиши ёки ҳимоя жанги ўтказиш ҳақида хабар бериши керак эди. Агар у ўрта вазн тоифасида чемпион бўлса, Эрисланди Ларага қарши мажбурий ҳимоя жанги учун 120 кун вақт берилади. Агар у мағлуб бўлса, кубаликка қарши ўрта вазн тоифасидаги ҳимоя жанги муддати ўзгармайди", - дейилганди WВА қарорида.

Лас-Вегасда бўлиб ўтган бокс оқшомида Головкин Альваресга очколар ҳисобида мағлуб бўлди. Головкин фаолиятини давом эттириш ҳамда ўрта вазн тоифасида WBA ва IBF камарларини ҳимоя қилиш ниятида эканлигини маълум қилган. Шу сабабли WВА тез орада Головкин ва Эрисланди Лара ўртасидаги жангни расман эълон қилиши керак.