26 дек 13:01
Янгиликлар
Бокс/ММА, Футбол
Хабиб Бензема ҳақида: "Афсонавий"
Енгил вазн тоифасида UFC собиқ чемпиони Хабиб Нурмагомедов Мадриднинг "Реал" жамоаси ҳужумчиси Карим Бенземанинг ўйинини баҳолади.
"Афсонавий. 2021 йил уники бўлди", — деб ёзди Ҳабиб ўз Инстаграм сторисида.
Ла лиганинг ушбу мавсумида Бензема 18 ўйин ўтказиб, 15 та голга муаллифлик қилди ва 7 та ассистни амалга оширди. Transfermarket портали футболчининг нархини 25 млн евро этиб белгилаган.
Эслатма учун, Ҳабиб Нурмагомедов фаолиятидаги сўнгги жангини 2020 йил октябр ойида, UFC 254 турнири доирасида Жастин Гетжига қарши ўтказиб, жангнинг иккинчи раундида "учбурчак" усулини қўллаш орқали ғалабага эришган эди.
Жангдан сўнг россиялик спортчи ўз фаолиятини якунлаганини эълон қилди. Унинг ҳисобида ММА турнири доирасидаги 29 жангда 29та ғалаба, жумладан UFCда 13 жанг ва 13 ғалаба.
Диёр Мавлонов тайёрлади
Ҳавола :
Манба : championat.com
Фикрлар