20 окт 10:46
Янгиликлар

Бокс/ММА

Хабиб футбол тарихидаги энг яхши футболчилар рейтингини тузди

Енгил вазнда UFC чемпионининг рўйхатидан етти нафар футболчи жой олди.

"Бу рўйхатни тузиш осон иш эмас. Бирини номини айтсанг, иккинчиси қолиб кетади. Ўйлашимча, рўйхатга Пеле, Диего Марадона, Лионель Месси, Кришиану Роналду, Роналдо "қуён тиш", Зинедин Зидан кириши шарт.

Луиш Фигу ҳам футбол афсоналаридан. 2000 йилда "Олтин тўп"ни қўлга киритган. Ўша пайтларда унинг даври эди. Мен санаб ўтган футболчилар энг яхшилари", - деди Хабиб.

Маълумот учун, Нурмагомедов "Ювентус" ҳужумчиси Криштиану Роналдунинг яқин дўсти ҳисобланади. Яқинда португалиялик футболчи Хабибга бўлажак жангида ғалаба тилаганди.