30 дек 09:05
Янгиликлар

Бокс/ММА

Хабиб Ислам ва Умарнинг тайёргарлигидан кўнгли тўлмаяпти

Енгил вазнда собиқ UFC чемпиони Хабиб Нурмагомедов Ислам Махачев ва Умар Нурмагомедовнинг тайёргарлик машғулотларига яхши баҳо бермади.

"Кўнглим тўляптими ёки йўқ? Тўғрисини айтайми? Зўрға тўрт баҳо қўяман. Учдан баландроқ, лекин тўрт ҳам эмас. Чоршанба куни кечки пайт дам олишди. Шу тўғрими? Биз шанба куни кечқурун ва якшанба кунигина дам оламиз, бўлди. Қолган куни машғулот. Гап тамом", - дея жамоадошларининг машғулотига эътирозли муносабат билдирган Хабиб Нурмагомедов.

Эслатиб ўтамиз, Ислам ва Умар уч ҳафтадан кейин, аниқроғи бизнинг вақт билан 19 январь куни тонгда Лос-Анжелесда ўтказиладиган UFC 311 турнирида октагонга чиқади. Махачев асосий жангда ўз чемпионлик камарини Арман Царукяндан ҳимоя қилса, Умар Нурмагомедов ко-мэйнивент жангида грузиялик Мераб Двалишвилининг камарини тортиб олишга уриниб кўради.