26 июн 10:34
Янгиликлар

Теннис

Хабибулина Польшадаги турнирда асосий тўрга йўл олди

Тажрибали теннисчимиз Албина Хабибулина Польшанинг Торун шаҳрида ўтказилаётган турнирнинг асосий тўрига йўлланма олди.

Мусобақанинг соврин жамғармаси 25 000 АҚШ долларини ташкил қилади. Хабибулина саралаш турнирида муваффақиятли тарзда иштирок этиб, иккита учрашувда ғалабага эришди.

Албина саралашнинг иккинчи даврасидан баҳсларга қўшилди. У иккинчи даврада германиялик Лаура Шмитцни 6:1, 6:3 ҳисобида енгди. Кейин эса россиялик Нина Оляновскаядан 6:1, 6:1 ҳисобида устун келди ва асосий тўрга йўлланма олди.