03 ноя 08:36
Янгиликлар

Теннис

Хачанов Париж "Мастерс"да муваффақиятли старт олди

Франция пойтахти Париж шаҳрида "Мастерс" сериясига кирувчи нуфузли ATP турнири давом этмоқда.

Дунёнинг 31-ракеткаси бўлиб турган россиялик Карен Хачанов илк даврада рейтингнинг 97-поғонасидан жой олган швециялик Микаэл Имерга қарши кортга чиқди ва 6/4, 7/5 ҳисобида ғалаба қозонди.

Бир соату 48 дақиқа давом этган учрашувда 25 ёшли Хачанов 7 та, 23 яшар Имер эса 1 та эйс зарбасини ижро этди. Теннисчиларнинг ўзаро иккинчи учрашувида хам Кареннинг қўли баланд келди.