Халқаро дзюдо федерацияси президенти Мариус Визер Тошкентга етиб келди

Мартабали меҳмонни кутиб олиш маросимида Жисмоний тарбия ва спорт вазирининг биринчи ўринбосари Ойбек Касимов, МОҚ вице-президенти, Ўзбекистон дзюдо федерацияси раиси Азизжон Камилов, Ўзбекистон таэквондо ассоциацияси раиси Шерзод Тошматов иштирок этди. 

Мариус Визер 1 кунлик ташрифи давомида дзюдо спортини Ўзбекистонда янада ривожлантириш масалалари, халқаро ташкилот билан янги меморандум ва келишувларни имзолаши, асосийси, спортимиз тарихида биринчи маротаба 2021 йил катталар ўртасидаги жаҳон чемпионатини Ўзбекистонда ўтказиш масалаларини кўриб чиқиши кутилмоқда.

Бугун 13:30 да Ўзбекистон Миллий олимпия қўмитасида мазкур тарихий ҳужжатларни имзолаш ва бошқа дастурлар бўйича бўлиб ўтадиган учрашувга барча ОАВларни таклиф этиб қоламиз.