05 май 11:28
Янгиликлар
Бокс/ММА
Халқаро Олимпия қўмитаси боксни Олимпиада-2020 дастуридан олиб ташламоқчи
Халқаро Олимпия қўмитаси яна бир бор бокс спорт турини 2020 йили Токиода ўтказиладиган Ёзги олимпия ўйинлари дастуридан олиб ташлаш ҳақида пўписа қилди.
Ташкилот шу ҳафтада ҳаваскор бокс фаолиятини кўриб чиқиб, ундаги нохолис ҳакамликка танқидий фикр билдирди. Бу билан Халқаро ҳаваскор бокс ассоциациясининг ишини қониқарсиз баҳолади.
Шу тариқа, боксни Олимпиада-2020 дастуридан олиб ташлаш масаласи очиқлигича қолди. Шу йили Аргентинанинг Буэнос-Айрес шаҳрида ўтказиладиган Ёзги ўсмирлар Олимпиадаси дастуридан ўрин олган бокс мусобақаси ҳакамлик холис ва очиқлик асосида ўтказилиш шарти билан қолдирилди.
Эслатиб ўтамиз, шу йилнинг февраль ойида Халқаро Олимпия қўмитаси раҳбари Томас Бах Халқаро ҳаваскор бокс ассоциациясининг фаолиятини кескин танқид қилиб, ишни тўғри йўлга қўйиш бўйича 30 апрелгача мухлат берганди.
Ҳавола :
Фикрлар