Хамзат Чимаев UFC чемпионлик камарининг илк ҳимоя жанги қачон бўлишни айтди

БАА шарафини ҳимоя қилаётган Хамзат оёғидаги жарроҳлик амалиётидан сўнг тикланиши биланоқ, Рамазон ойидан кейин илк ҳимоя жангини ўтказади. Бу ҳақда мағлубият нималигини билмай келаётган чеченистонлик аралаш яккакураш устаси Адам Зубайраевга берган интервьюсида айтди.

"Рамазондан кейин қайтаман. Ҳозир оёғимдан кичик жарроҳлик амалиёти ўтказаман. Кейин бир-икки ҳафтага машғулотлардан четга чиқиб, жароҳатимни даволайман. Демак, Рамазондан кейин жангга тўлақонли тайёргарликни бошлаймиз. Рақиб ким бўлади? Менга кимни беришса, ўша билан жанг қиламан", - деди Borz. 

Кеча жаҳоннинг энг яхши ўрта вазн тоифасидаги жангчиси Кисловодскдаги ўқув-машғулот йиғинини тўхтатиб, Қатарга етиб келди. Хамзат у ерда бугун ўз дўсти Арман Царукянни янги зеландиялик енгил вазн тоифасидаги Ден Хукерга қарши даъвогарлик жангига олиб чиқади.

Маълумот учун, мусулмонлар учун муқаддас Рамазон ойи 2026 йилнинг 17 февралидан 19 мартигача бўлиб ўтади.