06 апр 11:35
Янгиликлар

Бокс/ММА

Хамзат Чимаев UFC раҳбарига антиқа таклиф билан чиқди

Чеченистонлик ўрта вазн UFC жангчиси Хамзат Чимаев промоушен раҳбари Дана Уайтга мурожаат қилди.

БАА шарафини ҳимоя қилаётган Чимаев навбатдаги жангини ўрта вазнда собиқ UFC чемпиони австралиялик Роберт Уиттакерга қарши ўтказади. Хамзат айнан шу жангни 10 раунд этиб белгилашларини сўрамоқда.

"10 раунд, кетдик! Тарихда илк бор! Дана Уайт, кел бу ишни амалга оширамиз", — деди Чимаев ўзининг ижтимоий тармоқдаги саҳифасида.

Эслатиб ўтамиз, Хамзат Чимаев 13 та ғалабали серия билан келмоқда. У ҳали мағлубиятга учрамаган. Жангларининг 7 тасини UFC баннери остида ўтказган. Сўнгги жангини UFC 294 турнири доирасида яримўрта вазнда собиқ UFC чемпиони Камару Усманга қарши ўтказиб, очколар ҳисобига кўра зафар қучганди. Хамзат 22 июнь куни Ар-Риёд шаҳрида ўтказиладиган UFC Fight Night турнирида октагонга чиқади.