Хасбулла Конор Макгрегорнинг таҳдидига "ответ" қилди

Хасбулла ва Конор ўртасида ижтимоий тармоқ саҳифаларидаги даҳанаки жанг давом этади. 

"Мен ҳар қандай ақли пастларнинг ҳам саҳифасига аъзо бўлавермайман. Шу боисдан мен ҳам ким нима деб валдираётганини билмайман. Агар келаси сафар ҳам менга бирор гапинг бўлса, мени ўша хабарингда белгилашни унутма. Акс ҳолда иккимиздан биримизнинг мағлубиятсиз сериямиз давом этади. Ҳозир менда UFC билан шартнома бор. Конор ҳақиқатан ҳам эркак бўлса, у билан Абу-Дабида кўришамиз. Уни аллақачон Хабиб йўқ қилиб бўлган. Ўйлашимча, Конорнинг Мейвезер билан жангда олган пуллари тугаб қолди. Унга эътибор кераклигини ўзи ҳам яхши тушуниб турибди", - деди Хасбик. 

Аввалроқ, Макгрегор Хасбикнинг ўсмай қолганини калака қилиб, ундан футбол ёки баскетбол тўпи ўрнида фойдаланишини ёзганди. Лекин кўп ўтмай, ёзганларини ижтимоий тармоқдаги саҳифасидан ўчириб ташлаган эди.